भारताने पुन्हा एकदा मोठी कामगिरी केली आहे. रविवारी लांब पल्ल्याच्या हायपरसॉनिक क्षेपणास्त्राची यशस्वी चाचणी घेतली. देशाचे संरक्षणमंत्री राजनाथ सिंह यांनी या चाचणीची माहिती देताना लष्करी शक्तीच्या दृष्टीने ही चाचणी म्हणजे एक महत्त्वाचं पाऊल असल्याचे सांगितले. 1500 किमीपेक्षा अधिक मारक क्षमता असलेलं हे क्षेपणास्त्र सोबत विविध पेलोड्स नेण्याच्या दृष्टीने विकसित करण्यात आलेलं आहे. हायपरसॉनिक क्षेपणास्त्र हे हवेच्या वरच्या थरामध्ये आवाच्या पाचपट अधिक वेगाने प्रवास करते.