नवी दिल्लीत सोमवारी (28 एप्रिल) भारत आणि फ्रान्समध्ये 26 राफेल सागरी विमानांच्या करारावर स्वाक्षरी करण्यात आली. भारताच्या वतीने संरक्षण सचिव राजेश कुमार सिंग यांनी या करारावर स्वाक्षरी केली. या करारानुसार, भारत फ्रान्सकडून 22 सिंगल सीटर विमाने आणि 4 डबल सीटर विमाने खरेदी करेल. ही विमाने अणुबॉम्ब डागण्याची क्षमता असलेली असतील. वृत्तानुसार, फ्रान्ससोबतचा हा करार सुमारे 63,000 कोटी रुपयांना होत आहे. शस्त्रास्त्र खरेदीच्या बाबतीत भारताचा फ्रान्ससोबतचा हा आतापर्यंतचा सर्वात मोठा करार आहे.

पंतप्रधान नरेंद्र मोदी यांच्या अध्यक्षतेखाली 23 एप्रिल रोजी झालेल्या सुरक्षा विषयक मंत्रिमंडळ समितीच्या (सीसीएस) बैठकीत या विमानाच्या खरेदीला मंजूरी देण्यात आली होती. पहलगाममधील दहशतवादी हल्ल्यानंतर ही बैठक बोलावण्यात आली होती.