पणजी: राज्यात मंगळवारपासून जोरदार पावसाने अक्षरशः धुमाकूळ घातला. गेल्या दोन-तीन महिन्यांपासून उष्णतेने त्रस्त झालेल्या नागरिकांना या पावसामुळे दिलासा मिळाला असला, तरी अनेक भागांत यामुळे जनजीवन विस्कळीत झाल्याच पाहायला मिळालं. पावसाची तीव्रता पाहता गोवा वेधशाळेने पुढील दोन दिवसांसाठी ‘ऑरेंज अलर्ट’ जारी केला आहे. तसेच नागरिकांनी योग्य ती काळजी घ्‍यावी आणि शक्यतो घराबाहेर पडू नये, असे आवाहन केले आहे.