कळंगुट: सरकारकडून राज्यात कॅब ॲग्रिकेटर्स नियमावली सुरू करण्याच्या निर्णयाविरोधात स्थानिक टुरिस्ट टॅक्सी चालक तसेच मालकांनी आज आक्रोश केला. या नियमावलीचा विरोध करत त्यांनी आज सकाळी हणजूण पोलिस स्थानकावर धडक दिली. तेथे पालिसांनी त्यांना गेटवरच अडवले. यामुळे वातावरण तंग झाले.

गोव्यातील स्थानिक टॅक्सी चालक आणि मालकांनी ॲपआधारित टॅक्सी सेवा (अ‍ॅग्रिकेटर) विरोधात आपली भूमिका स्पष्ट केली असून त्यांनी माजी आमदार किरण कांदोळकर यांची भेट घेतली. टॅक्सी व्यवसाय गोमंतकीयांच्या हातातच राहावा आणि बाहेरच्या कंपन्यांना प्रवेश दिला जाऊ नये, या मागणीला कांदोळकर यांनीदेखील आपला पाठिंबा दर्शविला. दरम्यान, सरकारने हा व्यवसाय बाहेरच्यांच्या हातात देऊ नये, असेदेखील त्यांनी स्पष्ट केले.