तेलाच्या वाढत्या किमती आणि जागतिक बाजारातील अनिश्चिततेच्या पार्श्वभूमीवर केंद्र सरकारने महत्त्वाचा दिलासा देणारा निर्णय घेत पेट्रोल आणि डिझेलवरील उत्पादन शुल्कात मोठी कपात जाहीर केली आहे. मिळालेल्या माहितीनुसार, पेट्रोलवरील प्रति लिटर ₹13 असलेले उत्पादन शुल्क थेट ₹10 ने घटवून ₹3 करण्यात आले असून, डिझेलवरील ₹10 प्रति लिटर उत्पादन शुल्क पूर्णपणे रद्द करून शून्यावर आणण्यात आले आहे. या निर्णयामुळे इंधनाच्या दरवाढीवर काही प्रमाणात नियंत्रण मिळण्याची शक्यता असून, तेल कंपन्यांनाही आर्थिकदृष्ट्या दिलासा मिळेल, तसेच सर्वसामान्य नागरिकांच्या खर्चाचा ताण कमी होण्याची अपेक्षा व्यक्त केली जात आहे.