इंडोनेशियातील सुमात्रा उतारा रॅली २०२५ (Sumatera Utara Rally 2025) जिंकून गोव्याचा गौरव वाढवणाऱ्या वैभव मराठे याचे दाबोळी विमानतळावर आगमन झाले. या विजयामुळे, जपानमध्ये होणाऱ्या आशिया पॅसिफिक रॅली चॅम्पियनशिपच्या अंतिम फेरीत भारताचे स्थान निश्चित झाले आहे. खराब हवामान आणि खडतर रस्त्यांवर मात करत मिळवलेला हा विजय भारतीय मोटरस्पोर्टसाठी मौल्यवान ठरला आहे. या ऐतिहासिक यशाबद्दल त्याचे सर्वत्र कौतुक होत आहे.