पणजी: गोव्यात सध्या जोरदार ऊन पडत असल्याने वातावरणात वाढलेल्या उष्णतेमुळे गोमंतकीयांना मोठ्या प्रमाणात उकाड्याला सामोरे जावे लागत आहे. तापमान सातत्याने वाढत असून भारतीय हवामान विभागाने (IMD) ११ मार्चपर्यंत राज्यात उष्णतेच्या लाटेचा इशारा जारी केला आहे. राज्यातील काही भागांमध्ये अधिक उष्णता जाणवत असल्यानं नागरिकांनी आवश्यक खबरदारी घेण्याचा सल्ला देण्यात आला आहे. हवामान विभागाच्या माहितीनुसार, सध्या गोव्यात हवामान कोरडे आणि उष्ण राहणार आहे.