माशेल: गोव्यातील माशेल हे एक मोहक गाव आहे, जे आपल्या निसर्गसौंदर्याने, घनदाट हिरवाईने आणि शांत वातावरणाने प्रसिद्ध आहे. नयनरम्य दृश्यांच्या कुशीत वसलेलं हे गाव शहराच्या गोंगाटापासून दूर एक निवांत आश्रयस्थान म्हणून ओळखलं जातं. या गावात दरवर्षी "चिखल कालो" नावाचा एक अनोखा पारंपरिक उत्सव साजरा केला जातो, ज्याचा अर्थ "चिखलात स्नान" असा होतो. हा उत्सव गोव्याच्या शेतकरी समाजाच्या आणि आपली जीवनदायिनी असलेल्या भूमातेच्या नात्याला वंदन करण्यासाठी आयोजित केला जातो.

या कार्यक्रमात पर्यटनमंत्री रोहन खवंटे यांनी देखील उपस्थिती लावली. पर्यटनाच्या माध्यमातून समुद्र किनारे सोडून गोवा कसा आहे हे लोकांपर्यंत पोहोचवण्याचा हा प्रयत्न असल्याचं ते म्हणाले. सर्व लोकं यावेळी हर प्रकारचे भेदभाव विसरून एकत्र येतात. पर्यटन खात्याकडून नेहमीच असे प्रयत्न सुरु राहील असं त्यांनी नमूद केलं.