‘एसटी’ समाजाच्या राजकीय आरक्षणाच्या प्रश्नावर मुख्यमंत्री डॉ. प्रमोद सावंत यांच्या नेतृत्वाखालील ‘एसटी’ नेत्यांच्या शिष्टमंडळाने रविवारी दिल्लीत केंद्रीय गृहमंत्री अमित शहा यांची भेट घेतली. या भेटीत सकारात्‍मक चर्चा झाल्‍याचे समजते. लवकरच चार मतदारसंघ आरक्षित करण्यासंदर्भात अधिसूचना काढली जाण्याची शक्यता आहे.

या शिष्टमंडळात मुख्यमंत्री सावंत यांच्यासह आदिवासी कल्याणमंत्री रमेश तवडकर, सभापती गणेश गावकर, माजी मंत्री गोविंद गावडे, भाजप प्रदेशाध्यक्ष दामू नाईक आणि केंद्रीय राज्यमंत्री तथा उत्तर गोवा खासदार श्रीपाद नाईक यांचा समावेश होता.