एसटी समाजाच्या राजकीय आरक्षणासाठी लोकसंख्या अधिसूचित करण्यास उच्च न्यायालयाने दिलेल्या स्थगितीला सर्वोच्च न्यायालयात आव्हान देण्याचा निर्णय राज्य सरकारने घेतला आहे. या पार्श्वभूमीवर मुख्यमंत्री डॉ. प्रमोद सावंत यांच्या नेतृत्वाखालील शिष्टमंडळ सोमवारी दिल्लीला रवाना होणार आहे. तेथे सॉलिसिटर जनरल तुषार मेहता, जनगणना आयुक्त आणि केंद्रातील वरिष्ठ अधिकाऱ्यांची भेट घेऊन पुढील कायदेशीर रणनीतीवर चर्चा केली जाणार आहे.