गोव्यातील रेती, चिरे व खडी वाहतूक करणाऱ्या ट्रक व्यावसायिकांच्या दीर्घकाळ प्रलंबित समस्यांवर अखेर सकारात्मक हालचाल सुरू झाली आहे. सिंधुदुर्गातील कुडाळ-मालवण मतदारसंघाचे विद्यमान आमदार नीलेश राणे यांनी या प्रश्नावर आठ दिवसांत संबंधित सर्व घटकांशी चर्चा करून तोडगा काढण्याचे आश्वासन दिले. ही बैठक पेडणेचे आमदार प्रवीण आर्लेकर यांच्या पुढाकाराने त्यांच्या धारगळ येथील निवासस्थानी पार पडली.