पणजी: अरबी समुद्रात तयार झालेल्‍या कमी दाबाच्‍या पट्ट्यामुळे राज्‍यात येत्‍या रविवारपर्यंत पावसाचे प्रमाण कायम राहण्‍याचा अंदाज वर्तवत राज्‍य हवामान विभागाने ‘यलो अलर्ट’ कायम ठेवला आहे. त्‍यामुळे गोमंतकीय जनतेला पुढील तीन दिवस पावसाचा सामना करावा लागणार आहे.

यंदा राज्‍यात समाधानकारक हजेरी लावलेल्‍या मान्‍सूनच्‍या पावसाने राज्‍यातून माघार घेतल्‍याची घोषणा काही दिवसांपूर्वीच हवामान विभागाने केली होती. परंतु, त्‍यानंतर अरबी समुद्रात तयार झालेल्‍या कमी दाबाच्‍या पट्ट्यामुळे राज्‍यात पुन्‍हा पाऊस हजेरी लावेल, अशी शक्‍यता वर्तवत हवामान विभागाने ‘यलो अलर्ट’ जारी केला.