राज्यात उघडीप दिलेल्या पावसानं पुन्हा थैमान घालण्यास सुरुवात केलीय. अनेक ठिकाणाहून पडझडीच्या घटना समोर येतायेत. राज्यातील नद्यांनी धोक्याची पातळीही ओलांडली असल्याची माहिती आहे. याच पार्श्वभूमीवर कुर्टी-फोंड्यातील नागझर आणि हवेली येथून घरावर झाड कोसळण्याची घटना समोर आली आहे. घरावर झाड कोसळण्याने घराचे मोठे नुकसान झाले. सुदैवाने कोणत्याही प्रकारची जीवीतहानी झाली नाही. सध्या आपत्कालीन व्यवस्थापन यंत्रणेच्या कर्मचाऱ्यांनी घटनास्थळी पोहोचून झाड हटवण्याचे काम सुरु केले आहे.