राज्यात परतीच्या पावसानं हाहाकार उडाला आहे. सत्तरी, डिचोलीसह ताळगावला पावसानं अक्षरश: झोडपून काढलं. ताळगावात विजेच्या कडकडाट आणि वादळी वाऱ्यासह पावसानं हजेरी लावली. अनेक ठिकाणी झाडांची पडझड होऊन मोठे नुकसान झाले आहे. तसेच, वीज तारांवर झाडे पडून वीज खांब उखडून पडल्याने वीज पुरवठाही खंडित झाला आहे. एका बाजूने धो-धो पाऊस तर दुसऱ्या बाजूने वादळी वारा यामुळे जनजीवन विस्कळीत झाले. परतीच्या पावसानं ताळगावातील शेतकऱ्यांचं मोठं नुकसान केलं आहे.