गोव्यातील कायदा व सुव्यवस्था आणखी मजबूत करण्यासाठी आणि आपत्कालीन परिस्थितीत नागरिकांना तात्काळ मदत देण्यासाठी गोवा पोलिसांनी आपल्या ताफ्यात पाच नवीन पीसीआर (Police Control Room) व्हॅन दाखल केल्या आहेत. मुख्यमंत्री डॉ. प्रमोद सावंत यांच्या हस्ते या व्हॅनचे वाटप करण्यात आले. या नवीन पीसीआर व्हॅन इमर्जन्सी रिस्पॉन्स सपोर्ट सिस्टीम (ERSS-112) अंतर्गत कार्य करतील. या व्हॅन विशेषतः मांड्रेम, मोपा, वाळपई, कुंकळ्ळी आणि काणकोण यांसारख्या भागांमध्ये तैनात केल्या जाणार आहेत.