गोव्यात पूर्व प्राथमिक, नववी आणि उच्च माध्यमिकसाठी नव्या राष्ट्रीय शैक्षणिक धोरणाची अंमलबजावणी करण्यात आलीय. येत्या दोन वर्षांत सर्व सरकारी शाळांमध्ये ‘एनईपी’संदर्भातील आवश्यक साधनसुविधांची उभारणी करण्यात येईल, अशी माहिती मुख्यमंत्री डॉ. प्रमोद सावंत यांनी सोमवारी विधानसभा सभागृहात दिली.

राष्ट्रीय शैक्षणिक धोरणात फ्रेंच, जर्मन आणि पोर्तुगीज या भाषांचाही पर्याय म्हणून समावेश आहे. त्यांना कमी केलेल्या नाहीत, असे स्पष्टीकरण मुख्यमंत्री सावंत यांनी दिले. तसेच, पर्वरीत होणाऱ्या गणित, विज्ञानाच्या प्रयोगशाळेसाठी चार कोटींची तरतूद करण्यात आली असून, त्यातील ९० लाख रुपये मंजूर करण्यात आल्याचे सावंत म्हणाले.