गोव्यात गेल्या पंधरा दिवसांपासून पावसाने हाहाकार घातला आहे. मुसळधार पावसामुळे राज्यात अनेक ठिकाणी पडझडीच्या घटना घडल्या आहेत. यामुळे राज्यातील शेतकऱ्यांचे मोठ्या प्रमाणावर नुकसान झाले आहे. प्रामुख्याने भात शेतीचे नुकसान झाले असून, शेतकरी मदतीच्या प्रतीक्षेत आहेत.

मोले येथील शेतकऱ्यांच्या शेतात मोठ्या प्रमाणावर पाणी साचल्याने भात शेतीचे नुकसान झाले आहे. पाणी साचून राहिल्याने भाताची रोपे कुजली आहेत. यामुळे शेतकऱ्यांना मोठा फटका बसला असून, शेतकरी सरकारकडून मदतीची अपेक्षा करत आहेत.