डिचोली येथील जुन्या बसस्थानकावरील 'गोळ' नामक जुनाट झाड कारवर कोसळल्याने दोन मुलांसह चौघेजण गाडीतच अडकले. पैकी दोन मुलांसह तिघांना वेळीच बाहेर काढले. मात्र, एक महिला रात्री उशिरापर्यंत गाडीतच अडकून पडली होती.

अग्निशमन दल, पोलीस आणि लोकांच्या प्रयत्नामुळे मध्यरात्री दीड वाजता महिलेची सुखरूप सुटका करण्यात आली. झाडाखाली कार चिरडल्याने त्या कारमध्ये महिला अडकली होती. आमदार डॉ. चंद्रकांत शेट्ये आणि प्रेमेंद्र शेट यांचे मदतकार्यात सहकार्य मिळाले. मदतकार्यासाठी जेसीबी यंत्रे आणि क्रेनचा वापर करण्यात आला.