Dargal Highway Accident: गोव्यातील कळंगुट-म्हापसा महामार्गावर मंगळवारी (१७ जून) सकाळी एक थरारक घटना घडली. महाखाजन, धारगळजवळ दारूच्या बाटल्यांनी भरलेल्या एका कंटेनर ट्रकला अचानक भीषण आग लागली. ही आग इतकी वेगाने पसरली की काही वेळातच संपूर्ण ट्रक आगीच्या भक्ष्यस्थानी पडला, ज्यामुळे परिसरात एकच खळबळ उडाली.

म्हापसा अग्निशमन दलाचे उपाधिकारी प्रशांत धारगळकर यांनी दिलेल्या माहितीनुसार, सकाळी ७:४५ च्या सुमारास महाखाजन, धारगळ येथे कंटेनरला आग लागल्याची माहिती त्यांना मिळाली. विशेष म्हणजे, माहिती मिळताच अवघ्या आठ मिनिटांच्या आत अग्निशमन दलाचे बचाव पथक घटनास्थळी दाखल झाले.