गणेश चतुर्थीसाठी कोकणात जाणाऱ्या चाकरमान्यांसाठी एक आनंदाची बातमी आहे. गणेशोत्सवासाठी जवळच्या राज्यांमध्ये प्रवास करणाऱ्या प्रवाशांसाठी कदंब परिवहन महामंडळ (KTC) पुरेशी व्यवस्था करणार आहे. गेल्या वर्षीप्रमाणेच यंदाही आम्ही पूर्ण तयारी केली आहे. सध्या महाराष्ट्रातील आणि कर्नाटकातील विविध भागांसाठी आंतरराज्यीय मार्गांवर सुमारे ७२ बस धावत आहेत, अशी माहिती कदंब महामंडळाचे अध्यक्ष उल्हास तुयेकर यांनी दिली.