पणजी: दक्षिण गोवा जिल्‍हा इस्‍पितळ, काणकोण व केपे आरोग्‍य केंद्र तसेच उपजिल्‍हा इस्‍पितळातील मनुष्‍यबळ लवकरच वाढविण्‍यात येईल, अशी माहिती मुख्‍यमंत्री डॉ. प्रमोद सावंत यांनी दिली.

मुख्यमंत्री सावंत यांच्या अध्यक्षतेखाली आरोग्य विभागासंदर्भात सविस्तर आढावा बैठक घेण्यात आली. या बैठकीस आरोग्यमंत्री विश्‍‍वजीत राणे, पंचायतमंत्री माविन गुदिन्हो, सार्वजनिक बांधकाममंत्री दिगंबर कामत, आदिवासी कल्याणमंत्री रमेश तवडकर, समाजकल्याणमंत्री सुभाष फळदेसाई, मुख्य सचिव व्ही. कंदवेलू, आरोग्य सचिव यतींद्र मराळकर, आरोग्य सेवा संचालक डॉ. रुपा नाईक तसेच वरिष्ठ अधिकारी उपस्थित होते.