निवृत्त आयएएस अधिकारी दौलत हवालदार गोव्याचे नवे राज्य निवडणूक आयुक्त बनले. गेल्या काही दिवसांपासून हवालदार यांच्या नावाची चर्चा सुरु होती. मात्र काल (16 ऑगस्ट) हवालदार यांच्या नावावर शिक्कामोर्तब झाला. काही दिवसांपूर्वीच, राज्य मंत्रिमंडळाच्या बैठकीत हवालदार यांच्या नावाचा प्रस्ताव सादर करण्यात आला होता. यापूर्वी, हवालदार यांनी गोव्याचे वित्त सचिव म्हणूनही काम पाहिले आहे. डब्ल्यू. व्ही. रमणमूर्ती यांचा कार्यकाळ 4 जुलै रोजी संपुष्टात आला होता. त्यानंतर राज्य सरकारने राज्य निवडणूक आयोगावर नव्या आयुक्तांची नेमणूक करण्याची प्रक्रिया सुरु केली होती. या पदासाठी त्यांचे नाव निश्चित मानले जात होते.