पर्यटनासाठी जगप्रसिद्ध असलेल्या गोवा राज्यात गेल्या वर्षभरात अंमली पदार्थ विरोधी पथकाने (ANC) आणि स्थानिक पोलिसांनी ऐतिहासिक कामगिरी बजावली आहे. मिळालेल्या अधिकृत माहितीनुसार, मागील एका वर्षात राज्याच्या विविध भागांतून तब्बल ७८ कोटी ४५ लाख रुपये किमतीचे अंमली पदार्थ जप्त करण्यात आले आहेत. या धडक कारवाईमुळे आंतरराष्ट्रीय ड्रग्ज रॅकेटचे धाबे दणाणले असून, पोलिसांनी तस्करीची मोठी साखळी उद्ध्वस्त केली आहे.