मडगाव पोलिसांनी नावेली येथे 5 किलो गांजा जप्ती प्रकरणाच्या तपासात मोठी कारवाई करत मोर्जीम येथून इग्वे चिनुड्डे (Igwe Chinudde) या नायजेरियन नागरिकाला अटक केली आहे. दोन दिवसांपूर्वी या प्रकरणात मोहम्मद अझरुद्दीन नूर मोहम्मद याला 4 किलो गांजासह अटक करण्यात आली होती. त्यानंतरच्या तपासात समोर आलेल्या धागेदोऱ्यांच्या आधारे पोलिसांनी ही कारवाई केली. अटक करण्यात आलेल्या नायजेरियन नागरिकाचा अमली पदार्थांच्या पुरवठा साखळीशी संबंध असल्याचा संशय असून, या प्रकरणामागील व्यापक ड्रग्ज रॅकेटचा तपास मडगाव पोलीस करत आहेत.