गोवा डेअरी नफ्यात येत असून गेल्या आर्थिक वर्षात १ कोटी २७ लाख रुपये नफा झाल्याची माहिती गोवा डेअरीच्या रविवारी सहकार भवनात झालेल्या आमसभेत देण्यात आली.

गोवा डेअरीच्या प्रशासकीय समितीचे अध्यक्ष पराग नगर्सेकर यांच्या अध्यक्षतेखाली झालेल्या या सभेला रामा परब, व्यंकटेश शेणवी तसेच व्यवस्थापकीय संचालक नवीन कुमार यांच्यासह राज्यातील दूध उत्पादक संस्थेचे प्रतिनिधी उपस्थित होते.

मागील काळात गोवा डेअरी आणि पशुखाद्य प्रकल्पातील सुमारे साडेतीन कोटी रुपयांची आर्थिक तूट भरून काढण्यात आली असल्याचीही माहिती दूध उत्पादकांना देण्यात आली.