पेडणे पोलिसांनी घरफोडीच्या एका मोठ्या प्रकरणाचा छडा लावत लक्षणीय यश संपादन केले आहे. पोलिसांनी या कारवाईत सुमारे 53.68 लाख रुपये किमतीचा चोरीला गेलेला मुद्देमाल जप्त केला असून या गुन्ह्यातील मुख्य संशयितांना जेरबंद केले. पेडणे तालुक्यात गेल्या काही दिवसांत झालेल्या या चोरीच्या घटनेमुळे परिसरात मोठी खळबळ उडाली होती. पेडणे पोलीस स्थानकाच्या हद्दीत एका मोठ्या घरफोडीची तक्रार नोंदवण्यात आली होती. या तक्रारीनंतर पोलिसांनी तपासाची चक्रे वेगाने फिरवली. तांत्रिक पुरावे आणि गुप्तहेरांकडून मिळालेल्या माहितीच्या आधारे पोलिसांनी विविध ठिकाणी छापे टाकले. या मोहिमेत पोलिसांनी 53 लाख 68 हजार रुपयांचे दागिने आणि रोख रक्कम जप्त केली आहे.