पणजी: राज्‍यात नारळाचे दर गगनाला भिडले आहेत. या पार्श्वभूमीवर गोवा फलोत्पादन विकास महामंडळ कर्नाटकातून नारळ आयात करून प्रथमच राज्यात अनुदानित दराने ४५ रुपये प्रतिनग विक्री करणार असल्याची माहिती मंडळाचे अध्यक्ष आमदार प्रेमेंद्र शेट यांनी दिली.

कर्नाटकातून प्रतिनग ४० रुपये दराने विकत घेतलेल्या २५ हजार नारळांचा पहिला लॉट शुक्रवारपासून महामंडळाच्‍या १ हजार २५० दुकानांवर उपलब्ध होणार आहे. तसेच रोजच्या किराणा वस्तू पुरवणारी मोबाईल व्हॅनही गणेशोत्सव संपेपर्यंत नारळ या अनुदानित दराने विकणार आहे. सध्‍या बाजारात ६० रुपये दराने नारळ विकला जात आहे.