गेल्या आठवड्यात पार पडलेल्या नव्या मंत्र्यांच्या शपथविधीनंतर सात दिवसानंतर नवीन मंत्री दिगंबर कामत आणि रमेश तवडकरांना अखेर खाती मिळाली आहेत. गणेश चतुर्थीच्या शुभ मुहुर्तावर खाते वाटप करण्यात आले आहे.

दिगंबर कामतांना सार्वजनिक बांधकाम खाते, वजन माप आणि बंदर कप्तान खाते देण्यात आले आहे. तर, रमेश तवडकरांना पूर्वी गोविंद गावडे यांच्याकडे असणारी कला - संस्कृती, क्रीडा खाते देण्यात आले असून, आदिवासी कल्याण खात्याची जबाबदारी देखील त्यांच्यावर सोपविण्यात आली आहे.