कोमुनिदादच्या जागेत लोकांनी बांधलेली घरे ही सरकारच्या मान्यतेने नव्हे तर कोमुनिदाद संस्थेतील लोकांच्याच मान्यतेने उभारलेली आहेत. या लोकांना त्यांची घरे कायदेशीर करण्यासाठी गोव्यातील सर्व कोमुनिदाद संस्थांनी सरकारला सहकार्य करावे, त्यांच्या विरोधात न्यायालयात जाऊ नये. या घरमालकांकडून त्याबदल्यात मोबदला सरकार वसूल करून देण्यास तयार आहे. केवळ कोणाचीही घर जमीनदोस्त होऊ नये हाच या मागचा उद्देश आहे, असे प्रतिपादन मुख्यमंत्री डॉ. प्रमोद सावंत यांनी साखळी येथे माझे घर योजनेच्या अर्ज वितरण कार्यक्रमात बोलताना केले.