गोव्यातील विविध प्रश्नांवर चर्चा करण्यासाठी मुख्यमंत्री डॉ. प्रमोद सावंत दिल्लीसाठी रवाना झाले आहेत. राज्यातील वाहतूक, रस्ते, विमानतळ, खाण उद्योग यासह विविध प्रश्नावर मुख्यमंत्री संबधित खात्याच्या मंत्र्यांच्या भेटीगाठी घेतील. संसदेचे अधिवेशन सुरु झाले त्यादिवशी देखील मुख्यमंत्री दिल्लीत दाखल झाले होते. यावेळी मुख्यमंत्री सावंत यांनी पंतप्रधान नरेंद्र मोदी यांच्यासह जेपी नड्डा, नितीन गडकरी, अर्थमंत्री निर्मला सितारामण यांच्यासह विविध खात्याच्या मंत्र्यांची भेट घेतली होती. अधिवेशानापूर्वी मुख्यमंत्री महत्वाची कामे घेऊन दिल्लीत दाखल झाले आहेत.