लोकसभा निवडणुका पार पडल्यापासून गोवा सरकारचा मंत्रीमंडळ विस्तार होणार अशा चर्चांना उधाण आले आहे. राज्यात मंत्रीपदाच्या शर्यतीत अनेक बडी नावे आहेत. तर, गोविंद गावडे गेल्यावर्षापासून विविध कारणांनी अडचणीत सापडले असून, त्यांच्यावर गच्छंतीची टांगती तलवार आहे.

गोव्यात अलिकडेच झालेल्या पक्षीय बैठकीत अनेक महत्वाच्या गोष्टींवर चर्चा झाली. यात मंत्रीमंडळ विस्तार हा देखील विषय होता मात्र, त्याबाबत अद्याप अधिकृत माहिती समोर आलेली नाही. दरम्यान, या संभाव्य विस्ताराबाबत मुख्यमंत्री डॉ. प्रमोद सावंत यांनी भूमिका मांडली आहे.