गोवा मंत्रिमंडळातील फेरबदलाच्या चर्चा गेल्या अनेक महिन्यांपासून सुरु आहेत. नुकतेच अर्थसंकल्पीय अधिवेशन पार पडल्याने फेरबदलाच्या हालचालींना वेग आला आहे. राज्याचे आरोग्य मंत्री विश्वजीत राणे यांना दिल्लीतून बोलावणे आल्याने फेरबदलाबाबत पुन्हा चर्चा होऊ लागल्या आहेत. अधिवेशनाच्या अखेरच्या दिवशी भाजप प्रदेशाध्यक्ष दामू नाईक यांनी दिल्लीत पंतप्रधान मोदी आणि अमित शहांची भेट घेतली. दरम्यान, ही भेट औपचारिक भेट होती, असे म्हटले आहे.