holiday for elections Goa: गोवा सरकारने उत्तर गोवा जिल्ह्यातील थिवी (प्रभाग १), अस्नोडा (प्रभाग ७) आणि दक्षिण गोवा जिल्ह्यातील चिखली (प्रभाग १) या तीन प्रभागांतील पोटनिवडणुकीमुळे ११ मे २०२५ (रविवार) रोजी मतदारांसाठी सशुल्क सुट्टी जाहीर केली आहे. या प्रभागांमध्ये पोटनिवडणूक होणार असल्याने, मतदारांना मतदानाचा हक्क बजावता यावा यासाठी ही विशेष सुट्टी देण्यात आली आहे. ही सुट्टी सरकारी, खाजगी, औद्योगिक आणि रोजंदारी कामगारांना लागू असेल, मात्र त्यासाठी ते या प्रभागांतील मतदार असणे आवश्यक आहे.