डिचोली: भर ‘चतुर्थी’च्या तोंडावर नळ कोरडे पडल्याने डिचोलीतील विविध भागात (शुक्रवारी) दिवसभर पिण्याच्या पाण्याची तीव्र समस्या निर्माण झाली. सर्वत्र चतुर्थीच्या तयारीची लगबग सुरू असतानाच, दिवसभर पाण्याची समस्या निर्माण झाल्याने विविध भागातील लोकांवर विशेष करून गृहिणींची गैरसोय झाली.

उपलब्ध माहितीनुसार, पडोसे जलशुद्धीकरण प्रकल्पात तांत्रिक बिघाड झाल्याने पाणीपुरवठ्यावर परिणाम झाला. त्यामुळे जलशुद्धीकरण प्रकल्पाच्या कार्यक्षेत्रात येणाऱ्या भागात मात्र पाण्याची समस्या निर्माण झाली. दिवसभर घरगुती नळ कोरडे राहिल्याने गृहिणींवर पाण्यासाठी अश्रू गाळण्याची वेळ आली. साफसफाई आदी चतुर्थीच्या तयारीची कामे खोळंबून पडली.