गोवा विधानसभा पावसाळी अधिवेशनाचा आजचा 15 वा दिवस आहे. गेल्या काही दिवसांपासून राज्याच्या राजकीय वर्तुळात दबक्या आवाजात झुआरी जमीन घोटाळ्याची चर्चा सुरु होती. मात्र आज, गोवा फॉरवर्ड पक्षाचे प्रमुख आणि आमदार विजय सरदेसाई यांनी झुआरी जमीन घोटाळ्याचा पर्दाफाश केला. औद्योगिक प्रयोजनासाठी असलेली जमीन एक लाखापेक्षा जास्त किमतीत निवासी कारणांसाठी विकली गेली. त्यांच्या या प्रश्नावर मुख्यमंत्र्यांनी चौकशी करण्याचे आश्वासन दिले. यापुढे जमीन विकू देणार नसल्याचे आश्वासनही त्यांनी दिले.