गोव्यात अपघातांचे सत्र सुरुच आहे. उसगावातून अपघाताची एक मोठी घटना समोर आली. इथे बोलेरो जिप आणि आर्टिगा यांच्यात झालेल्या अपघातात सात जण गंभीर जखमी झाले. सध्या सात जणांवर गोमॅकोमध्ये उपचार सुरु आहेत. बोलेरो आणि कारची समोरासमोर टक्कर झाली. हा अपघात सकाळी 7.15 वाजता झाल्याची माहिती आहे. पोलिसांनी तात्काळ घटनास्थळी पोहोचून अपघाताचा पंचनामा केला. पोलिसांकडून पुढील तपास सुरु आहे. तर फर्मागुडी येथील जीव्हीएम सर्कलजवळ स्कूटरने दिलेल्या धडकेत विद्यार्थी गंभीर जखमी झाला. अपघात होताच स्कूटर चालकाने स्कूटर घेऊन घटनास्थळावरुन पळ काढला.