उत्तर गोव्यातील थिवी परिसरात रविवारी रात्री भीषण अपघात घडला. एका भरधाव चारचाकी चालकाने समोरुन येणाऱ्या दोन दुचाकींना जोरदार धडक दिली. या भीषण धडकेत दोन जण गंभीर जखमी झाले होते, त्यापैकी एका दुर्दैवी व्यक्तीचा उपचारादरम्यान मृत्यू झाला. मिळालेल्या प्राथमिक माहितीनुसार, ही चारचाकी गाडी वेगाने थिवीच्या मुख्य रस्त्यावरुन जात होती. चालकाचे गाडीवरील नियंत्रण सुटल्याने ही गाडी विरुद्ध दिशेने येणाऱ्या दोन दुचाकींवर जाऊन आदळली.