Bicholim Rain Update:

डिचोलीत कालपासून जोरदार पर्जनवृष्टी सुरू असून नदी-नाले दुथडी भरून वाहू लागलेत. अनेक ठिकाणी घरांच्या भिंती कोसळल्या, वाहने वाहून गेली आणि रस्ते, पूलही पाण्याखाली गेले. डिचोलीत पूरनियंत्रणासाठी पाणी बाहेर काढण्यास सुरुवात झाली आहे. डिचोलीसह अस्नोडा येथील पार नदीच्या पाण्याने धोक्याची पातळी गाठली आहे. नद्या तुडुंब भरल्याने आपत्कालीन व्यवस्थापन यंत्रणा आणि जलस्रोत खाते सजग झाले आहे. डिचोलीत नदीकाठी तुंबलेले पाणी पंपिंगद्वारे नदीत सोडणे सुरु करण्यात आले आहे. आपत्कालीन यंत्रणेसह जलस्रोत खात्याचे कार्यकारी अभियंते आदी अधिकारी परिस्थितीवर लक्ष ठेवून आहेत.