फातोर्डा: बड्डे येथील एका घरातून चालणाऱ्या अंमली पदार्थांच्या रॅकेटचा फातोर्डा पोलिसांनी पर्दाफाश केला आहे. या कारवाईत पोलिसांनी १.१० लाख रुपयांचा गांजा आणि १,०५,६०० रुपयांची रोकड जप्त केली आहे. तसेच, घटनास्थळावरून एक एअर गनही जप्त करण्यात आली आहे. सोमवारी (दि.१५) सायंकाळी ७ च्या सुमारास ही धाड टाकण्यात आली. या प्रकरणातील मुख्य आरोपी तेहरान उर्फ टेरेन्स फर्नांडिस हा पोलिसांना गुंगारा देऊन पळून गेला असून, पोलीस त्याचा शोध घेत आहेत. पोलिसांनी याप्रकरणी NDPS कायद्याच्या कलम २० (b), २१ (b) आणि २२ (b) अंतर्गत गुन्हा दाखल केला आहे. पोलीस निरीक्षक नॅथन अल्मेडा यांच्या मार्गदर्शनाखाली पोलीस उपनिरीक्षक एस. देविदास पुढील तपास करत आहेत.