Fatorda Fire Incident

मडगाव: फातोर्डा येथे एका फ्लॅटला आग लागण्याची घटना शनिवारी मध्यरात्री १ वाजण्‍याच्या दरम्यान घडली. घटनेची माहिती मिळाल्यानंतर मडगाव अग्निशमन दलाच्या जवानांनी घटनास्थळी जाऊन आगीवर नियंत्रण ठेवून अंदाजे २० लाखांची मालमत्ता वाचविली.

फातोर्डा येथील सिंक्रो हॉटेलजवळ एका इमारतीत पहिल्या मजल्यावर हा फ्लॅट आहे. साविनो डिमेलो या फ्लॅटच्‍या मालकीण आहेत. एका कार्यक्रमानिमित रात्री घरची मंडळी बाहेर गेली होती नंतर आगीची वरील दुर्घटना घडली. मडगाव अग्निशामक दलाचे अधिकारी गील सौझा यांच्या मार्गदर्शनाखाली जवानांनी घटनास्थळी धाव घेतली. वीजपुरवठा बंद करून बॅटरीच्या प्रकाशात आग विझविली. या घटनेत सोफा, टीव्ही, लॅपटॉप व अन्य वस्तू जळून खाक झाल्या. आगीचे नेमके कारण अद्याप समजू शकले नाही. आग विझविण्यासाठी एका बंबाचा वापर करण्यात आला.