Sattari Electricity Issue:

गेल्या काही दिवसांपासून सत्तरीत वीजपुरवठा खंडित होण्याच्या प्रकारात वाढ झालेली आहे. या परिसरातील नागरिक हैराण झालेले आहेत. अनेक वेळा वीज खात्यात फोन करून तक्रारी दिल्या जातात. मात्र, परत तोच प्रकार घडतो. सत्तरीत यावर कायमचा उपाय म्हणून भूमीगत वीजवाहिनी तसेच इन्सुलेटर वीजवाहिनी घातलेली आहे. मात्र, अजूनही विजेची समस्या सुटलेली नाही. वीजपुरवठा खंडित होत असल्याने मुलांच्या अभ्यासावरही परिणाम होतो. सततच्या प्रकाराने संतप्त ग्रामस्थ वीज कार्यालयात येऊन जाब विचारत होते. वीज खात्याने या समस्यांकडे सोडवून वीजपुरवठा सुरळीत करावाअशी मागणी आक्रमकपणे करण्यात येत होती. या संदर्भात वीजमंत्री सुदिन ढवळीकर यांच्याशी संपर्क साधला असता आवश्यक उपाययोजना करून ही सत्तरीतील वीजसमस्या सोडवणार असल्याचे आश्वासन त्यांनी दिले.