गृहमंत्री अमित शहा यांनी डॉ. बाबासाहेब आंबेडकर यांच्याबाबत केलेल्या वक्तव्यावरुन देशात वातावरण तापले असताना. गोव्यात देखील काँग्रेस आक्रमक झाली आहे. काँग्रेसने मंगळवारी शहांच्या विरोधात निषेध मोर्चा काढून त्यांच्या राजीनाम्याची मागणी केली. प्रदेशाध्यक्ष अमित पाटकर यांनी शहांवर टीका करत राजीनाम्याची मागणी केली. डॉ. बाबासाहेब आंबेडकर आमच्यासाठी फॅशन नव्हे तर पॅशन आहे, असे वक्तव्य पाटकरांनी केले. आंबेडकरांचा अवमान करणाऱ्या व्यक्तीला या पदावर राहण्याचा अधिकार नाही म्हणत, त्यांच्या राजीनाम्याची मागणी पाटकरांनी केली.