कुडतरी येथील मायना-कारगिल परिसरात एका घराला भीषण आग लागल्याची धक्कादायक घटना घडली. या आगीत संपूर्ण घर जळून खाक झाले असून मालमत्तेचे मोठ्या प्रमाणावर नुकसान झाले आहे. घटनेची माहिती मिळताच अग्निशमन दलाने घटनास्थळी धाव घेत आगीवर नियंत्रण मिळवण्याचा प्रयत्न केला, मात्र तोपर्यंत घरातील फर्निचर आणि इतर महत्त्वाच्या वस्तूंचे प्रचंड नुकसान झाले होते.

सुदैवाने या दुर्घटनेत कोणतीही जीवितहानी झाल्याचे वृत्त नाही. आगीचे नेमके कारण अद्याप समजू शकलेले नाही, परंतु शॉर्ट सर्किटमुळे ही आग लागली असावी, असा प्राथमिक अंदाज वर्तवण्यात येत आहे. स्थानिक प्रशासनाकडून नुकसानीचा पंचनामा केला जात आहे.