सांगे: साळावली धरणातील पाण्याची पातळी यंदाच्यावर्षी आपक्षेपेक्षा अधिक आहे. परिणामी मंदीराकडे जाणारा रस्ता अजून पाण्याखाली असल्याने सांगे कुर्डीतील सोमेश्वराचा वार्षिक उत्सव सध्या पुढे ढकलण्यात आला आहे. उत्सव पुढे ढकलाल असला तरीही तो रद्द करण्यात आलेला नाही. परिस्थितीनुसार येणाऱ्या काही दिवसांतच यंदाच्या वर्षी होणाऱ्या उत्सवाची तारीख जाहीर करण्यात येईल, त्यामुळे भाविकांनी चुकीच्या बातम्यांवर विश्वास न ठेवण्याचे आवाहन देवस्थान समितीचे सदस्य गुरू कुर्डीकर यांनी गोमन्तक टीव्हीशी बोलताना भाविकांना केले आहे.