कुडचडे: कुडचडे पोलीस ठाण्यासमोर आज एक विचित्र अपघात घडला. एका चारचाकी वाहनाने अचानक दुसऱ्या गाडीला मागून धडक दिल्याने हा अपघात झाला. या धडकेमुळे एकापाठोपाठ एक अशा तीन कार्स आणि एका दुचाकीची टक्कर झाली. या साखळी अपघातात दुचाकीस्वार जखमी झाला असून, त्याला तात्काळ उपचारासाठी रुग्णालयात दाखल करण्यात आले आहे. या घटनेमुळे कुडचडे परिसरात काही काळ वाहतूक कोंडी झाली होती. पोलीस घटनास्थळी दाखल झाले असून, या अपघाताची पुढील चौकशी करत आहेत.