अंमली पदार्थांविरोधात सुरु असलेल्या कारवाईत काणकोण पोलिसांनी मोठी यश मिळवले. चर रस्ता अंडरपासजवळ पहाटेच्या सुमारास पोलिसांनी सापळा रचून 29 वर्षीय हजरतअली सलूर या तरुणाला अटक केली. हजरतअली हा दावरलीम येथील रहिवासी आहे. पोलिसांनी दिलेल्या माहितीनुसार, त्याच्या झडतीमध्ये 3.3 ग्रॅम वजनाचा संशयास्पद एमडीएमए (MDMA) हा अंमली पदार्थ जप्त करण्यात आला, ज्याची आंतरराष्ट्रीय बाजारपेठेत किंमत सुमारे 33,000 रुपये आहे. तो हा साठा कोणाला तरी पुरवण्यासाठी जात होता, असा संशय पोलिसांनी व्यक्त केला आहे. सध्या काणकोण पोलीस या प्रकरणाचा अधिक तपास करत असून यामागे मोठे रॅकेट असण्याची शक्यता वर्तवली जात आहे.