म्हादईच्या पाण्यावरुन गोवा-कर्नाटकचा वाद सर्वांना सर्वश्रुत आहे. अनेकदा यावरुन राजकीय घमासान पाहायला मिळतं. दोन्ही सरकारे म्हादईच्या पाण्यावर आपला दावा सांगतात. यातच आता, कर्नाटकचे मुख्यमंत्री सिद्धरामय्या यांनी अर्थसंकल्पात केलेल्या घोषणेवरुन नवा वाद निर्माण होऊ शकतो. म्हादईच्या 3.9 टीएमसी पाणी वळवण्यासाठी प्रस्तावित कळसा-भांडूरा प्रकल्प मार्गी लावण्यासाठी त्यांनी कंत्राटदाराची नियुक्ती केल्याचे जाहीर केले. यावर गोव्याचे मुख्यमंत्री डॉ. प्रमोद सावंत यांना विचारले असता मी कर्नाटकच्या अर्थसंकल्पावर कशाला बोलू? अशी प्रतिक्रिया दिली.