छत्तीसगडमधील जशपूर जिल्ह्यात एक भीषण रस्ते अपघात घडला असून या दुर्घटनेत पाच तरुण मित्रांचा दुर्दैवी मृत्यू झाला आहे. हा अपघात 6 डिसेंबर रोजी शनिवारी रात्री राष्ट्रीय महामार्ग क्रमांक 43 (NH-43) वरील पतराटोली परिसरात झाला. मनोरा पोलीस ठाण्याच्या हद्दीत मेळ्यातून परत येत असलेली आय-20 कार आणि समोरून येणाऱ्या भरधाव ट्रेलरची समोरासमोर जोरदार धडक झाली. धडकेची तीव्रता इतकी भीषण होती की कारचा अक्षरशः चेंदामेंदा झाला. या अपघातात कारमधील सर्व पाच तरुणांचा घटनास्थळीच मृत्यू झाला.