राज्यात सध्या कॅश फॉर जॉब प्रकरणावरुन रान उठलं आहे. विरोधक या प्रकरणावरुन सावंत सरकारला घेरत आहेत. सावंत सरकारमधील मंत्र्यांसह आमदरांचाही या प्रकरणात हात असल्याची घणाघाती टीका विरोधकांकडून होत आहे. यातच, डिचोलीचे माजी आमदार नरेश सावळ यांनी मुख्यमंत्र्यांनी दोषींना कठोरातील कठोर शिक्षा देण्याचे आवाहन केले. सावळ म्हणाले की, 2012 पर्यंत मोठ्याप्रमाणात नोकऱ्या दिल्या गेल्या पण अशाप्रकारे पैसे कुणाकडूनच घेतले गेले नाही. प्रतापसिंह राणे, विश्वजित राणे, दिगंबर कामत, सुदिन ढवळीकर यांनी कधीच नोकरी देण्यासाठी पैसे घेतले नाही. परंतु आताची परिस्तिथी बघितली तर भविष्यकाळ डेंजर झोनमध्ये आहे. मुख्यमंत्र्यांनी या प्रकरणाच्या तळाशी जाऊन मुख्य दोषींना शोधून काढणे गरजेचे आहे.