यंदाचं गोवा विधानसभा अधिवेशनचं चांगलंच गाजणार अस दिसतंय. राज्यात अनेक राजकीय घडामोडी पाहायला मिळाल्या. काही दिवसांपासून आसगाव घर मोडतोड प्रकरणावरुन राळ उठली आहे. विरोधकांनी सरकारला या प्रकरणावरुन चांगलंच घेरलं. अखेर या प्रकरणात संशयित भूमिका असणारे पोलिस महासंचालक जसपाल सिंग यांची उचलबांगडी करण्यात आली. दुसरीकडे, जीर्ण सरकारी इमारतींचा प्रश्न मागील अनेक अधिवेशनात मांडण्यात आला मात्र यावर सरकारकडून केवळ आश्वासनांची खैरात वाटण्यात आली. मात्र आता या अधिवेशनात हा मुद्दा मांडून सरकारकडून या कामाच्या पूर्तता कशी होईल याचा पाठपुरावा करणार असल्याचे आमदार कार्लुस फेरेरा यांनी म्हटले आहे. वेळच्या वेळी जीर्ण इमारतींची डागडुजी करण्यात येत नसल्याचेही फेरेरा म्हणाले.